Um Krums

Það ungur nemur, gamall temurKrums ehf. er einyrkjafyrirtæki staðsett í Grundarfirði á Snæfellsnesi. Eigandinn og allt í öllu er ég, Hrafnhildur Jóna, grafískur hönnuður og saumakona af guðs náð.

Nafnið Krums er komið frá ömmu minni, Hrafnhildi Jónasdóttur frá Helgastöðum í Reykjadal. Hún var alltaf kölluð Krumma og þaðan tek ég nafnið. Hjá ömmu Krummu er ég uppalin og hún kenndi mér margt og mikið um handverk, kenndi mér að sauma, reyndi að kenna mér að hekla og prjóna en það gekk ekkert of vel og alltaf vorum við eitthvað að bralla og græja og gera. En fyrst of fremst kenndi hún mér að bera virðingu fyrir efninu sem ég væri með í höndunum og nýta það eins vel og mögulegur kostur. Það verð ég henni ævinlega þakklát fyrir, blessuð sé minning elsku ömmu minnar.

M.a. er að finna í vörulínunni minni, ilmkerti, ilmvax, krem, ilmvatn, sturtusápu, handtöskur, skrautpúða, skilti, dúka, plaköt, bolla, viskastykki og margt fleira. Krums kappkostar við að bjóða upp á sína eigin hönnun þannig að viðskiptavinir mínir geta verið öruggir að hér er hvorki fjöldaframleiðsla eða verið að apa eftir öllum hinum. Yfir 90% af þeim vörum sem er að finna í netversluninni er gert að mér á vinnustofunni eða hlutir sem sprottin eru úr hugarfylgsnum mínum og ég fæ aðra til að fullvinna fyrir mig. Í dag eru vel á 3ja hundrað mismunandi vörur að finna undir merkinu Krums.

Íslenskan er mér hugleikin og því býð ég nánast eingöngu upp á vörur með íslenskri áletrun. Það geri ég til að sporna við erlendum áhrifum á okkar fallega mál.

Einnig vil ég veita persónulega þjónustu og því er upplagt að setja sig í samband við mig í netfangið krumshonnun@gmail.com til að senda fyrirspurnir.

Bestu þakkir fyrir innlitið á vefsíðuna mína og vertu ávallt velkomin að nýju.

Með kveðju
Hrafnhildur Jóna
Eigandi Krums ehf.

Útsala

ekki til í augnablikinu

varan fæst ekki lengur